Það lítur út fyrir rólegan mánudag á lögreglustöðinni við Hverfisgötu þegar skyndilega kveður við ærandi hávaði og byggingin nötrar. Bílsprengja hefur verið sprengd utan við húsið. Andartaki fyrr hafði dularfullur pakki borist á stöðina, stílaður á Þórhall, reyndan rannsóknarlögreglumann, sem falið er að stýra rannsókn málsins. Síðar sama dag finnst roskinn maður myrtur á bílaverkstæði í Kópavogi. Þórhallur og samstarfsfólk hans í rannsóknardeildinni eru undir mikilli pressu að upplýsa glæpina hratt og örugglega en fljótlega kemur í ljós að málin virðast teygja anga sína víðsvegar um samfélagið. Eru hryðjuverkamenn að láta til sín taka á Íslandi? Tengjast morðið og sprengingin? Af hverju kemur nafn efnahagsráðgjafa ríkisstjórnarinnar hvað eftir annað upp í tengslum við rannsókn málsins?
This content is created by the open source Your Priorities citizen engagement platform designed by the non profit Citizens Foundation