Austur á Fjörðum er útigangsfé skotið á færi fyrir tilstilli Matvælastofnunar. Viðskilnaðurinn er engum til sóma og aðfarirnar vekja furðu og viðbjóð heimamanna. En það virðist fleira en sauðfé hafa verið aflífað í Loðmundarfirði. Brynhildur, fyrrum rannsóknarlögreglumaður í Reykjavík, er nýtekin við starfi lögregluvarðstjóra á Seyðisfirði og hlakkar til rólegri daga. En í lögregluumdæminu , sem átti að vera friðsælt og rólegt, er ekki allt sem sýnist. Brátt kemur í ljós að hún á í höggi við alþjóðlegar glæpaklíkur sem virðast hafa hreiðrað um sig hérlendis og náð fótfestu í sjávarútvegi og samfélagi, janfvel í hinum fámennu byggðum Austurlands.
This content is created by the open source Your Priorities citizen engagement platform designed by the non profit Citizens Foundation