Óveðursský hrannast upp og eldingar rista himininn þegar fraktskipið Per se leggur úr höfn á Grundartanga og tekur stefnuna á Suður-Ameríku. Níu skipverjar eru um borð, flestir með eitthvað misjafnt í farteskinu. Nokkrir mannanna hafa heyrt að segja eigi upp áhöfninni og hyggjast því grípa til sinna ráða um leið og storminn lægir. Andrúmsloftið í skipinu er þrungið tortryggni, ógn og fjandskap og þegar sambandið við umheiminn rofnar er eins og ill öfl taki völdin … Hvílir bölvun á skipinu? Er laumufarþegi um borð? Á meðan Per se velkist í fárviðri úti á reginhafi heyja skipverjar harða baráttu við margvíslegar hættur, baráttu sem stigmagnast þar til hún verður upp á líf og dauða.
This content is created by the open source Your Priorities citizen engagement platform designed by the non profit Citizens Foundation